BASKETBOL ÝEŇIŞLERIMIZ

---

Neşir: 22.10.2024 Seredilen: 333

---

BASKETBOL ÝEŇIŞLERIMIZ

    Bedenterbiýäni we sporty ösdürmek, sagdyn durmuş ýörelgesiniň düzgünlerini berjaý edip, jemgyýetiň we döwletiň iň ýokary gymmatlygy bolan adamyň saglygyny goramak Türkmenistanda döwlet syýasatynyň ileri tutulýan ugurlarynyň biridir. Berkarar döwletiň täze eýýamynyň Galkynyşy döwründe ynsan saglygyny goramak, sagdyn durmuş ýörelgelerini rowaçlandyrmak, bedenterbiýäni we köpçülikleýin sporty işjeňleşdirmek hem-de ösdürmek babatda türkmen halkynyň Milli Lideri tarapyndan başy başlanyp, häzirki wagtda hormatly Prezidentimiziň baştutanlygynda üstünlikli durmuşa geçirilýär.

    Elbetde, bu edilýän döwletli aladalar Türkmenistanyň Gurluşyk we binagärlik ministrliginiň garamagyndaky «Gurluşyk we binagärlik sport kluby» hojalyk müdirliginiň türgenlerini  ýurdumyzda yzygiderli geçirilýän sport ýaryşlarynda ýeňişler gazanmaklyga borçlandyrýar we ruhlandyrýar.

    2024-nji ýylyň 18-20-nji oktýabry aralygynda Türkmenistanyň Döwlet bedenterbiýe we sport institutynyň degisli desgalarynda 3x3 basketbol boýunça erkekleriň we zenanlaryň arasynda Türkmenistanyñ çempionatynyň I tapgyrynyň ýaryşy geçirildi. Bu ýaryşa Türkmenistanyň Gurluşyk we binagärlik ministrliginiň garamagyndaky «Gurluşyk we binagärlik sport kluby» hojalyk müdirligi tarapyndan Gurluşykçy-1, Gurluşykçy-2 ýygyndy toparlary gatnaşdylar. Ýaryşyň I tapgyrynda Gurluşykçy-1 topary üstünlikli çykyş edip, I-orna mynasyp bolmagy başardy. Gurluşykçy-2 topary bolsa ýaryşyň birinji tapgyrynda V orna eýe boldy.

 

ÝARYŞDA ÇYKYŞ EDEN TOPARLARYŇ NETIJELERI

 

 18.10.2024ý.

  Birinji oýun      Gurluşykçy-1 --- Daşoguz-1            22 - 7

  Ikinji oýun        Gurluşykçy-1 --- Lebap-1                  22 - 3

  Üçünji oýun      Maliýeçi-2 --- Gurluşykçy-1           14-22

  19.10.2024ý.

Çärýek final

  Gurluşykçy-2 --- Gurluşykçy-1        15 – 21

  20.10.2024 ý.

 Ýarym final

 Talyp sport --- Gurluşykçy-1             9 – 21

 

Final ýaryşy

   Gurluşykçy- 1 --- Lebap- 1              21 – 10

 

 

 

Eýelän orunlary

 

1. Türkmenistanyň Gurluşyk we binagärlik ministrligi     Gurluşykçy-1        I orun
2. Lebap welaýaty                                                                                     Lebap-1                   II  orun
3. Türkmenistanyň Bilim ministrligi                                             Talyp sport         III orun

 

    3x3 basketbol boýunça erkekleriň we zenanlaryň arasynda Türkmenistanyň çempionatynyň II tapgyry 2024-nji ýylyň 3-5-nji noyabry aralygynda meýillesdirilýär. Ýaryşyň II tapgyryna hem taýynlykly gatnaşyp, ýeňiji orunlara mynasyp bolmak ugrunda gujur-gaýratmyzy gaýgyrmarys!

    Türkmenistanyň Gurluşyk we binagärlik ministrliginiň garamagyndaky «Gurluşyk we binagärlik sport kluby» hojalyk müdirliginiň agzybir türgenleri we işgärleri ýurdumyzda sportuň ösmegi üçin edilýän aladalar, dö­red­ilýän giň müm­kin­çi­lik­le­r üçin türk­men hal­ky­nyň Milli Lideri Gahryman Arkadagymyza, hor­mat­ly Pre­zi­den­ti­miz Arkadagly Gahryman Serdarymyza berk jan-saglyk, uzak ömür, il-ýurt bähbitli iş­le­ri­niň ro­waç al­ma­gy­ny ar­zuw ed­ýä­rler!

 

 

                   

                                                                             Baýrammuhammet BABAÝEW,

Türkmenistanyň Gurluşyk we binagärlik ministrliginiň garamygyndaky “Gurluşyk we binagärlik sport kluby” hojalyk müdirliginiň direktorynyň w.w.ý.ý.